ShQO jolaýshy kóligi basqarmasyna jańa basshy taǵaıyndaldy
ÓSKEMEN. KAZINFORM — Shyǵys Qazaqstan oblysy jolaýshy kóligi jáne avtomobıl joldary basqarmasynyń basshysy laýazymyna Áset Sultanov taǵaıyndaldy.
Áset Beısenuly 1985 jylǵy 27 qazanda Shyǵys Qazaqstan oblysy Jarma aýdanynyń Shar qalasynda dúnıege kelgen.
2008-2011 jyldary D. Serikbaev atyndaǵy Shyǵys Qazaqstan tehnıkalyq ýnıversıtetin «Jol qozǵalysyn uıymdastyrý» jáne «Quqyqtaný» mamandyqtary boıynsha támamdaǵan.
Eńbek jolyn 2010 jyly Jarma aýdanynyń turǵyn úı-kommýnaldyq sharýashylyǵy, jolaýshy kóligi jáne avtomobıl joldary bóliminde ınspektor bolyp bastaǵan.
Ár jyldary «Óskemen-Tártip» kommýnaldyq kásipornynda ınjener, Shyǵys Qazaqstan oblysynyń jolaýshy kóligi jáne avtomobıl joldary basqarmasynda bas maman, bólim basshysy, basqarma basshysynyń orynbasary, «OblShyǵysJol» JShS dırektorynyń orynbasary qyzmetterin atqarǵan.
Osy taǵaıyndaýǵa deıin Shyǵys Qazaqstan oblysynyń jolaýshy kóligi jáne avtomobıl joldary basqarmasynyń óndiristik-tehnıkalyq bóliminiń bas mamany bolyp jumys istedi.
Eske salsaq, osyǵan deıin Almaty qurylys basqarmasynyń basshysy taǵaıyndalǵany habarlanǵan.
