ShQO jas ǵalymdary sý tazartýdyń jańa tehnologııasyn oılap tapty
Shyǵys Qazaqstan oblysynyń jas ǵalymdary sýdy tazartýdyń jańa tehnologııasyn oılap tapty, dep habarlaıdy Kazinform.
Óskemendegi S. Amanjolov atyndaǵy ShQÝ jas ǵalymdary oblys ákimi Ermek Kósherbaevqa sý tazartýǵa arnalǵan kompozıtsııalyq súzgi materıaldaryn óndirý tehnologııasyn tanystyrdy.
JOO ǵalymdary dál osy joba arqyly 338 mln teńge grant utyp alǵan.
«Joba boıynsha ǵalymdar sýdy tazartýǵa arnalǵan súzý júıesin óndirý tehnologııasyn ázirledi. Bul tehnologııa grafen oksıdine, tabıǵı bentonıttermen modıfıkatsııalanǵan kómirtekti materıaldar men bıopolımerlerge negizdelgen. Mamandardyń jeke seriktesi — Bolashak Energy Group JShS», — dep habarlady ShQO aqparat ortalyǵynan.
Oblys ákimi jas ǵalymdardyń tyń tehnologııasyn óńirde synap kórýdi usyndy.
«Shyǵys Qazaqstannyń shalǵaı aýdandaryn aýyzsýmen qamtý — ózekti másele. Jaýapty basqarmaǵa bul jumysty keler jyldyń aıaǵyna deıin aıaqtaýdy tapsyrdym. Ondaǵy mamandar jas ǵalymdardyń osy tehnologııasyn bir aýdanda synap kórsin. Nátıjege qaraı qalaı jumys isteıtinimiz belgili bolady», — dedi Ermek Kósherbaev.
