ShQO jáne Qaraǵandy oblystarynda burshaq jaýýy yqtımal - 4 tamyzǵa arnalǵan aýa raıy boljamy
ASTANA. 3 tamyz. QazAqparat - Erteń respýblıkamyzdyń batys bóligi atmosferalyq aǵymdardyń yqpalynda bolady, soǵan baılanysty ótkinshi jańbyr jaýyp, naıǵazaı oınaıdy. Keı jerlerde burshaq jaýýy yqtımal, al soltústik óńirlerdi túngi ýaqytta tuman basady.
Respýblıkanyń batysy men ońtústiginde kún raıy ashyq ári ystyq bolady, dep habarlady QR TJM-niń baspasóz qyzmeti Qazgıdrometke silteme jasap.
Atap aıtqanda, Aqmola, Soltústik Qazaqstan, Pavlodar, Qostanaı oblystarynda túnde jáne tańerteń keı jerlerde tuman bolady dep kútilýde. Soltústik Qazaqstan oblysynda kúndiz jeldiń ekpini 15-20 m/s-qa deıin jetedi.
Almaty, Jambyl, Shyǵys Qazaqstan, kúndiz Ońtústik Qazaqstan oblystarynda keı jerlerde 15-20 m/s jyldamdyqpen jel soǵady.
Shyǵys Qazaqstan, túnde Qaraǵandy oblystarynyń jekelegen aýmaqtarynda burshaq jaýýy yqtımal.
Mańǵystaý, Atyraý, Batys Qazaqstan, Aqtóbe, sondaı-aq Qostanaı oblysynyń keı aýmaqtarynda qatty ystyq bolady dep kútilýde.
Atyraý, Batys Qazaqstan, keı jerlerde Aqtóbe, Qyzylorda, Ońtústik Qazaqstan, Jambyl, Almaty, Pavlodar, Shyǵys Qazaqstan oblystarynda tótenshe joǵary órt qaýpi saqtalady.
Aldaǵy táýlikterde respýblıkanyń ońtústik, ońústik-shyǵys jáne shyǵysyndaǵy taýly ózenderde sý deńgeıiniń qubylýy baıqalady.
