ShQO jaǵajaılarynda 200-den astam tyıym salý belgisi ornatyldy

ÓSKEMEN. QazAqparat – Shyǵys Qazaqstan oblysynda shomylýǵa bolmaıtyn jaǵajaılarǵa 212 tyıym salý belgisi ornatyldy, dep habarlaıdy QazAqparat tilshisi.

ShQO Tótenshe jaǵdaılar departamenti baspasóz qyzmetiniń málimetine súıensek, óńir boıynsha shomylýǵa ruqsat etilmegen 64 ýchaske bar. Onda 133 tyıym salý belgisi ornatylǵan. Bul sý aıdyndarynyń túbin súńgýirler teksermegen, qutqarýshylar men dárigerlerge arnalǵan beket joq.

«Jyl basynan beri oblys boıynsha 5 adam sýǵa batty. Qaıǵyly oqıǵalardyń barlyǵynda azamattar jabdyqtalmaǵan jerlerde shomylǵan. Osy rette, óńir jurtshylyǵynan qaýipsizdik erejelerin árkez qaperde ustap, tek ruqsat etilgen jaǵajaılarda shomylý kerektigin eske salamyz», - dep habarlady vedomstvo ókilderi.

Tyıym salý belgisin ornatý sharalary búkil shomylý kezeńinde jalǵasady. Aıta keteıik, jabdyqtalmaǵan jerlerde sýǵa túskender QR ÁQBtK-niń 364-babyna sáıkes ákimshilik jaýapkershilikke tartylady.