ShQO jaǵalaýlaryna 566 márte patrýldeý júrgizildi
ÓSKEMEN. QazAqparat – Shyǵys Qazaqstan oblysynda qutqarýshylar men polıtseıler ózen-kólderdiń jaǵalaýlaryn patrýldeýde, dep habarlaıdy QazAqparat tilshisi.
ShQO Tótenshe jaǵdaılar departamenti baspasóz qyzmetiniń málimetine súıensek, qutqarýshylar sý aıdyndaryndaǵy jazataıym oqıǵalardyń aldyn alý maqsatynda birqatar sharalardy qolǵa alǵan.
«Ózen-kólderdegi qaıǵyly oqıǵalardyń negizgi sebepteri – demalýshylardyń sý aıdyndaryndaǵy qaýipsizdik erejelerin buzýy, jabdyqtalmaǵan jerlerde shomylýy jáne óz kúshterin durys baǵalaı almaýy. Sonymen qatar azamattardyń mas kúıde sýǵa túsýi, eresekterdiń balalardy durys baqylamaýy adam ólimine ákelip soǵyp jatady», - deıdi oblystyq TJD bastyǵynyń orynbasary Dmıtrıı Tıtov.
Onyń aıtýynsha, arnaıy jabdyqtalǵan sý aıdynynyń túbin súńgýirler teksergen. Onda keminde 2 arnaıy oqytylǵan qutqarýshy kezekshilik atqarady. Balalar shomylatyn oryn da talapqa sáıkes jasalyp, sýdaǵy qaýipsizdik sharalaryn saqtaý qajettigi jaıly materıaldary bar profılaktıkalyq stendter ornatylǵan. Budan bólek, medıtsınalyq qyzmetkerler men qutqarýshylarǵa arnalǵan beketter jumys isteıdi.
«Polıtsııa qyzmetkerleri qutqarýshylarmen birlesip jaǵalaýlardy 566 ret patrýldedi. Sonyń nátıjesinde 9 adam ákimshilik jaýapqa tartylǵan. Atap aıtqanda, 5 azamat QR ÁQBtK-niń 364-baby boıynsha (sý paıdalaný erejelerin buzý), al 4 turǵyn 440-babyna sáıkes (alkogoldi ishimdikterdi ishý nemese qoǵamdyq oryndarǵa mas kúıde kelý) aıyppul arqalaǵan», - deıdi Óskemen qalalyq PB tabıǵatty qorǵaý polıtsııasy tobynyń aǵa ınspektory Darhan Aıtqazın.
