ShQO zańsyz altyn óndirý boıynsha 9 qylmystyq is qozǵaldy

ÓSKEMEN. KAZINFORM – Shyǵys Qazaqstan oblysynda jyl basynan beri zańsyz altyn óndirý boıynsha 9 qylmystyq is qozǵaldy.

Oblystyq Kásipkerlik jáne ónerkásip basqarmasynyń málimetine súıensek, túrli sanattaǵy 250-den astam ken orny bar. Onyń ishindegi 25-i altyn ken orny.

— Paıdaly qazbalardyń zańsyz óndirilýiniń aldyn alý úshin júıeli sharalar qabyldanyp jatyr. Prokýratýra, UQK ókilderiniń, polıtseılerdiń, ekologtar men basqa da quzyrly organdardyń qatysýymen reıdter júrgizilip, sonyń nátıjesinde jyl basynan beri zańsyz altyn óndirý faktisi boıynsha 9 qylmystyq is qozǵaldy. Barlyǵy 7 keliden astam altyn men 30-ǵa jýyq tehnıka tárkilendi, — deıdi basqarma basshysy Isataı Ańsat.

Sondaı-aq ruqsaty bar jer qoınaýyn paıdalanýshylar altyndy munaı óńdeý fabrıkalaryna jetkizý máselesimen ushyrasyp jatyr. Sebebi altyn keminde 5 keli mólsherde qabyldanady.

— Jalpy óńirdiń geologııa baǵyty qarqyndy damyp keledi. Búginde ulttyq tsıfrlyq ınvestıtsııalyq platformaǵa quny 552,9 mlrd teńge bolatyn taý-ken óndirý salasyndaǵy 6 joba engizildi. Bul jobalar aıasynda 1,6 myń jańa jumys orny ashylmaq, — dedi I.Ańsat.

Eske salsaq, bıyl tamyz aıynda Shyǵys Qazaqstan oblysy Marqakól aýdanyndaǵy altyn qazýshylarǵa qatysty tekserý júrgizý úshin arnaıy komıssııa qurylǵan bolatyn.