ShQO: Úrjarlyqtar Birlik kúnin atap ótti
Aýdandaǵy barlyq memlekettik mekemelerdiń, bólimderdiń qyzmetkerleri, mektep muǵalimderi, oqýshylary túrli ult ókilderiniń kıimderin kıip, «Batyrlar alleıasynan» bastap ortalyq stadıonǵa deıin sán-saltanatpen sherýmen júrip ótti.
Máslıhat hatshysy Qalenbek Qarashev aýdan ákimi atynan turǵyndardy merekemen quttyqtap, jyly lebizin jetkizdi.
«Búgingi tatýlyq pen yntymaqtyń tól merekesi Qazaqstan halqynyń birligi kúni elimizge tynyshtyq pen aýyzbirshilikten artyq tilerimiz joq. Asqaq eldik murattaryńyz oryndalyp, óreli isterińiz jalǵasyn tapsyn. Bir shańyraq astyndaǵy halqymyzdyń yntymaqtastyǵy men ózara aýyzbirligimiz nyǵaıa túsip, respýblıkamyzdaǵy ultaralyq tatýlyq árdaıym berik bolyp, dostyq, birlik máńgi jasaı bersin!» - dedi máslıhat hatshysy.
Merekede túrli etnostardyń ulttyq erekshelikterine sáıkes bı bılep, ánder shyrqaldy. Birlik pen yntymaqty, kelisim men turaqtylyqty nasıhattaǵan osyndaı is-sharalar aýdannyń barlyq jerlerinde ótkizildi.
Aıta keterligi, búgingi kúni Úrjar aýdanynda 40 túrli etnos mekendeıdi. Olar túrli salada eńbek etip, aýdan ekonomıkasynyń órkendeýine qomaqty úles qosyp júr. 
