ShQO: Úrjardan Aıagózge gýmanıtarlyq kómek jóneltildi
Kórshi aýdanǵa baǵyttalǵan kómek kerýenin Úrjar aýdandyq máslıhatynyń hatshysy Qalenbek Qarashev pen «Nur Otan» partııasy Úrjar aýdany fılıaly tóraǵasynyń birinshi orynbasary Baqtybaı Baımuratov bastap bardy.
«Jaqynda ǵana Úrjar aýdanynyń mekeme basshylaryna, sharýashylyq jetekshileri men kásipkerlerge úndeý tastaǵanbyz. Olar qol ushyn sozýdan bas tartpady. Aýdanda arnaıy qor ashylyp, onda jomart jandar qarajatyn áli de aýdaryp jatyr. Búgin mine, aýdandaǵy iri kásipkerler, sharýa qojalyq basshylarynyń demeýshiligimen 10 tonna un satyp alynyp, gýmanıtarlyq kómek qoımasyna tapsyryldy. Qıyndyq shegip jatqan aǵaıynǵa bul az da bolsa septigin tıgizedi dep senemiz», - deıdi Baqtybaı Baımuratov.
Aıta keterligi, Aıagóz aýdanyna kómek munymen toqtalmaıdy. Qazir jurt tarapynan gýmanıtarlyq kómek boıynsha ashylǵan shotqa qarajat aýdarylýda. Aýdan ákiminiń tapsyrmasyna sáıkes kórshi aýdanǵa kómek kórsetý sharasyna eń birinshi kezekte kásipkerler belsene atsalysyp jatyr.