ShQO: Úrjarda «Saıabaqtar sherýi» ótti
ÚRJAR. QazAqparat - Shyǵys Qazaqstan oblysy Úrjar aýdanynda búgin «Saıabaqtar sherýi» halyqaralyq tabıǵatty qorǵaý aktsııasynyń ashylý saltanaty ótti, dep habarlaıdy QazAqparat tilshisi.
Úrjardaǵy «Balalar saıabaǵynda» ótken aktsııanyń ashylý saltanatynda aýdan ákiminiń orynbasary Serikqazy Sádýaqasov pen «Semeı ormany» fılıaly dırektordyń orynbasary Qaırat Boljaev aktsııanyń ashylýymen quttyqtap, tabıǵatty qorǵaýǵa shaqyrdy.
Shara aıasynda «Qustar kúni», «Sý - tirshilik kózi», «Bulaq kórseń kózin ash», «Taza ózen - taza jaǵalaý», «Sheber qoldar», «Tańqalarlyq ózgeris», «Tabıǵat fotosýretteri men kórinisteri» atty tárbıe saǵattary ótkizilip, bulaq kózderin, ózen jaǵalaýlaryn tazartý senbilikteri, baıqaýlar men kórmeler uıymdastyryldy. Sondaı-aq, oqýshylar saıabaqqa aǵash kóshetterin otyrǵyzdy.
Aktsııaǵa aýdan ortalyǵyndaǵy B.Momyshuly, Abaı, І.Jansúgirov, Abylaı han men Turlyhanov atyndaǵy orta mektepteriniń oqýshylary, mekeme, bólim qyzmetkerleri qatysty. «Saıabaqtar sherýi» aktsııasyna barlyǵy 3 myńǵa jýyq adam qatysty. Olardyń basym bóligi oqýshylar. Negizgi baǵyt - tabıǵatqa degen súıispenshilikti arttyrý.
Tabıǵat qorǵaý aktsııasyn qorytyndylaý barysynda sharaǵa qatysqan mektep oqýshylary men bilim ordalary Alǵys hatpen, baǵaly syılyqtarmen marapattalyp, mádenıet úıiniń ónerpazdary tabıǵat taqyrybynda án shyrqady.
