ShQO: Úrjar aýdanynda 30 gektar qamys órtenip jatyr
ÓSKEMEN. QazAqparat – Shyǵys Qazaqstan oblysy Úrjar aýdanynda qutqarýshylar 30 gektar qamysqa jaıylǵan órtti sóndire almaı jatyr, dep habarlaıdy QazAqparat tilshisi.
ShQO Tótenshe jaǵdaılar departamenti baspasóz qyzmetiniń málimetine súıensek, Úrjar aýdany Eginsý aýyldyq okrýgindegi «Myń kól» ýchaskesinde qamys órtengen.
«Tilsiz jaýdyń jalpy aýdany 30 gektardy qurap otyr. Qyzyl jalyn batpaqty jerlerdi sharpyǵandyqtan ony aýyzdyqtaý qıynǵa soǵýda. Otty óshirýge órt sóndirý bólimi, «Alakól» tabıǵı qoryǵy, jergilikti atqarýshy organ men sharýa qojalyǵy jumysshylarynan 22 adam jumyldyrylǵan», - delingen aqparatta.
Kúz bastalǵaly beri órt sóndirýshiler men jergilikti atqarýshy organ ókilderi kún saıyn dala órtin aýyzdyqtaýǵa attanyp jatyr. Bıyl osyndaı 293 oqıǵa tirkelgen. Ot jalpy 7936,5 gektar aýmaqty jalmaǵan. Kóbinese Aıagóz, Tarbaǵataı jáne Besqaraǵaı aýdandarynda dala órti shyǵady. Jalynnyń shyǵýyna – otty abaısyz qoldaný, sóndirilmegen temeki tuqyly nemese naızaǵaıdyń túsýi sebep bolyp jatady.
