ShQO túrmesinde jumyspen qamtylǵan sottalǵandar qurylys materıaldaryn daıyndaýda
ShQO boıynsha QAJD baspasóz qyzmetiniń málimetine súıensek, Óskemendegi №17 túzetý mekemesinde 50 myńnan astam polıstırolbeton daıyndalǵan.
«Qaýipsizdigi ortasha deńgeıdegi kolonııada 3 jyl boıy polıstırolbeton ónimi shyǵarylýda. Búgingi tańda óndiriste 10-nan astam sottalǵan jumyspen qamtylǵan. Óndiristiń alyp jatqan jer aýmaǵy 1220,2 sharshy metrdi quraıdy. Daıyn ónimder oblys naryǵyna jetkizilýde», - delingen aqparatta.
Túzetý mekemesi bastyǵynyń orynbasary Oljas Jaqsybaevtyń aıtýynsha, sottalǵan adamdy jumyspen qamtýdyń negizgi mindeti – túrmeden bosatylǵannan keıin qoǵamǵa tez beıimdelýine jaǵdaı jasaý.
«Sottalǵandar óz eńbekteri úshin jalaqy alady, talap-aryzdaryn ótep, alıment tóleıdi. Osylaısha, eńbekke degen daǵdylaryn joǵaltpaıtyn sottalǵandar bostandyqqa shyqqannan keıin ózderine jáne otbasylaryna qamqorlyǵyn kórsete alady», - deıdi ol.