ShQO túrmelerinde 254 medıtsına qyzmetkeri eńbek etip júr
ÓSKEMEN. QazAqparat – Shyǵys Qazaqstan oblysyndaǵy túzetý mekemelerinde 254 medıtsına qyzmetkeri eńbek etýde, dep habarlaıdy QazAqparat tilshisi.
ShQO QAJ departamentiniń basshylyǵy men jeke quramy aq halattylardy kásibı merekemen quttyqtady. Medıtsınalyq qamtamasyz etý bóliminiń bastyǵy Rashat Muhametkalıevtiń aıtýynsha, dárigerler úshin eń mańyzdysy – aýrýdyń aldyn alý jáne ólimge jol bermeý.
Búgingi tańda Shyǵys Qazaqstan aýmaǵynda 11 túzetý mekemesi bar. Onda tórt myńǵa jýyq sottalǵan adam jazasyn ótep jatyr. Osy sottalǵandardyń densaýlyǵyn qadaǵalap, ýaqytyly kómek kórsetý úshin 254 medıtsına qyzmetkeri eńbek etip keledi.
«Aq halatty azbal jandarǵa myqty densaýlyq, otbasyna bereke tileımiz. Sizder óz tájirıbelerińiz ben bilimderińizdi adamdardyń densaýlyǵy men ómirin qorǵaýǵa baǵyttap júrsizder. Osy óte mańyzdy jumystaryńyzǵa sáttilik tileımiz», - dedi departament bastyǵy, ádilet polkovnıgi Janbolat Qaletaev.
