ShQO týrıstik aqparattyq ortalyǵynyń basshysy sottaldy
Vedomstvo málimetinshe, Shyǵys Qazaqstan oblysynyń sybaılas jemqorlyqqa qarsy is-qımyl qyzmeti «ShQO týrıstik aqparattyq ortalyǵy» KMM basshysy S.Ramazanov pen atalǵan ortalyqtyń bas esepshisi G.Islıamovaǵa qatysty sybaılas jemqorlyq qylmysyn jasady degen kúdikpen tergeý amaldaryn aıaqtaǵan. Olar janar-jaǵarmaı talondaryn esepten shyǵarý jáne azamattardy jumysqa ornalastyrý joly arqyly iri kólemde bıýdjet qarjysyn jymqyrdy degen kúdikke ilingen edi.
«Osy jyldyń 10 qańtarynda Óskemen qalalyq № 2 sotynyń úkimimen atalǵan tulǵalar iri mólsherde bıýdjet qarajatyn urlaǵany úshin kináli dep tanyldy. S.Ramazanovqa 2 jyl, G.Islıamovaǵa 1 jyl 6 aı bas bostandyǵynan aıyrý túrinde jaza taǵaıyndaldy. Sottalǵandar ómir boıyna memlekettik qyzmette laýazym ıelený quqyǵynan aıyryldy», - delingen agenttik aqparatynda.