ShQO turǵynynyń salaqtyǵynan 10 tonna shóp órtenip ketti
ÓSKEMEN. QazAqparat – Shyǵys Qazaqstan oblysy Glýbokoe aýdanynda órt sóndirýshiler 110 sharshy metrge jaıylǵan jalyndy sóndirdi, dep habarlaıdy QazAqparat tilshisi.
ShQO Tótenshe jaǵdaılar departamenti baspasóz qyzmetiniń málimetine súıensek, Bystrýha aýylyndaǵy Zarechnaıa kóshesinde ornalasqan jeke turǵyn úı aýlasynda órt shyqqan. Oqıǵa ornyna qutqarýshylar kelip jetkenshe sharýashylyq qora-jaılardyń aǵash qurylymdary janyp jatty. Sonymen qatar tilsiz jaý 10 tonna shópke tarap ketken.
«Órt sóndirýshiler kóp uzamaı jalpy aýdany 100 sharshy metrge jetken qyzyl jalyndy óshirdi. Eń bastysy, turǵyn úıge bir metr ǵana qalǵan órttiń ári qaraı taralýyna jol berilmedi», - dep habarlady vedomstvo ókilderi.
Aldyn ala málimet boıynsha órttiń shyǵýyna otty paıdalaný kezindegi salaqtyq sebep bolǵan. Órtti sóndirýge jeke quramnan 6 adam men 2 tehnıka jumyldyryldy.
