ShQO turǵynynyń kóliginen zańsyz aýlanǵan bir tonnadan astam balyq tárkilendi
ShQO Polıtsııa departamenti baspasóz qyzmetiniń málimetine súıensek, tártip saqshylary Óskemendegi Toǵas-Aıazbaev kósheleriniń qıylysynda Tarbaǵataı aýdanynyń 32 jastaǵy turǵyny tizgindegen kólikti toqtatqan.
Tekserý barysynda tıisti qujattary joq birneshe qap balyq tabyldy. Óz sózinde ol balyqty Jarma aýdanynan ákele jatqanyn jetkizgen. Qaptarda 905 keli kókserke, 30 keli shortan, 29 keli sazan, 119 keli aqtaban jáne 30 keli torta balyǵy bar.
«Balyqtyń jalpy salmaǵy 1 113 kelini quraıdy. Qazirgi ýaqytta atalǵan fakti boıynsha QR QK-niń 335-baby 1-bóligine (Balyq resýrstaryn, basqa sý janýarlaryn nemese ósimdikterin zańsyz óndirý) sáıkes sotqa deıingi tergeý amaldary júrgizilýde»,- dedi oblystyq PD bastyǵynyń birinshi orynbasary Eldos Zakımov.
