ShQO turǵynynyń kóliginen zańsyz aýlanǵan 8 qap balyq tabyldy
ShQO polıtsııa departamenti baspasóz qyzmetiniń málimetine súıensek, tártip saqshylary «Quqyqtyq tártip» jedel aldyn alý sharasy barysynda «Almaty-Óskemen» tasjolynyń 970 shaqyrymda «Toıota» markaly avtokólikti toqtatty.
«Borodýlıha aýdanynyń 43 jastaǵy turǵyny Kókpekti aýylynan Semeı qalasyna jol júrip bara jatqan. Tekserý barysynda onyń kóliginen zańsyz aýlanǵan 8 qap balyq tabyldy. Shortan, móńke, torta, taban, alabuǵa balyqtarynyń jalpy salmaǵy – 131,8 keli. Belgili bolǵandaı, er adam balyqty Semeıge satý úshin apara jatqan», - dep habarlady vedomstvo ókilderi.
Qazirgi ýaqytta atalǵan fakti boıynsha QR Qylmystyq Kodeksiniń 335-baby 1-bóligine (Balyq resýrstaryn, basqa da sý janýarlaryn nemese ósimdikterin zańsyz alý) sáıkes sotqa deıingi tergeý amaldary júrgizilýde.
Kúdikti 3 jylǵa deıingi merzimge bas bostandyǵynan aıyrylýy múmkin.
