ShQO turǵynynyń kóliginen zańsyz aýlanǵan 6 myńnan astam tiri shaıan tabyldy
ShQO polıtsııa departamenti baspasóz qyzmetiniń málimetine súıensek, tártip saqshylary «Brakoner» jedel aldyn alý sharasy barysynda Kúrshim aýdany Quıǵan aýyldyq okrýgine qarasty «Qyzyl tý» ótkelinde júk kóligin toqtatqan. Tekserý kezinde 34 jastaǵy er adamnyń zańsyz shaıan tasymaldap kele jatqany anyqtalǵan.
«Kólikte jalpy salmaǵy 364 keliden asatyn 6320 shaıan tirideı tabyldy. Osynyń saldarynan tabıǵatqa 2 014 000 teńge mólsherinde zalal keltirilgen. Tergeý barysynda kólik júrgizýshisi shaıandy beıtanys bes er adamnan satyp alǵanyn aıtty. Keıin ony kúıeý balasynyń kóligine tıep, Óskemenge bet alǵan», - deıdi oblystyq PD bastyǵynyń birinshi orynbasary Dýman Qojahmetov.
Kúdiktige qatysty QR QK-niń 335-baby 1-bóligimen sotqa deıingi tergeý amaldary bastaldy.