ShQO turǵynynyń kóliginen esirtki men tapansha tabyldy
ShQO Polıtsııa departamenti baspasóz qyzmetiniń málimetine súıensek, tártip saqshylary esirtkini saqtaý kúdigimen Glýbokoe aýdanynyń 27 jastaǵy turǵynyn ustady. Jeke tintý júrgizý barysynda onyń shalbarynan jasyl tústi ósimdik tektes zat salynǵan túıinshek tabyldy.
«Er adamnyń kóligin tintý kezinde aldyńǵy oryndyqta jatqan sómkeden plastık ydysqa salynǵan ósimdik tektes zat salynǵan 40 polımerli paket shyqty. Budan bólek, júrgizýshi oryndyǵynyń astynan travmatıkalyq tapansha tabylǵan.
Saraptama qorytyndyǵa sáıkes, jalpy salmaǵy 37,67 grammǵa jetetin tárkilengen zat – keptirilgen marıhýana. Al zaýyttyq ádispen jasalǵan qarý atýǵa jaramdy», - dedi ShQO PD bastyǵy Saǵat Mádıev.
Atalǵan fakti boıynsha QR QK-niń 287-baby 2-bóligine (qarýdy, oq-dárilerdi, jarylǵysh zattardy zańsyz saqtaý nemese alyp júrý) jáne 296-baby 3-bóligine (esirtki, psıhotroptyq zattarmen, sol tektesterdi ótkizý maqsatynsyz zańsyz saqtaý) sáıkes sotqa deıingi tergeý amaldary bastaldy.