ShQO turǵynynyń kóliginen eki eliktiń eti tabyldy

ÓSKEMEN. QazAqparat. Shyǵys Qazaqstan oblysy turǵynynyń kóliginen 2 eliktiń eti tabyldy, dep habarlaıdy QazAqparat tilshisi.

ShQO Polıtsııa departamenti baspasóz qyzmetiniń málimetine súıensek, tártip saqshylary Zaısan aýdanyndaǵy «Omby-Maıqapshaǵaı» tasjolynda «Shevrolet Nıva» markaly avtokólikti toqtatqan. Kólik ishinde Boran aýylynyń 47 jastaǵy turǵyny men Zaısan qalasynyń 43 jastaǵy turǵyny boldy.

«Tekserý barysynda kóliktiń júk salǵyshynan jalpy salmaǵy 37 keli 2 eliktiń eti tabyldy. Sondaı-aq osy azamattardyń birine tıesili 16 kalıbrli tegis uńǵyly myltyq tárkilengen», - dep habarlady vedomstvo ókilderi.

Qazirgi ýaqytta atalǵan fakti boıynsha Qylmystyq kodeksiniń 337-baby 1-bóligine sáıkes sotqa deıingi tergeý amaldary júrgizilip jatyr.