ShQO turǵynynyń garajynan zańsyz saqtalǵan eki myltyq tabyldy
ÓSKEMEN. QazAqparat – Shyǵys Qazaqstan oblysy Zaısan aýdanynyń turǵyny garajda eki myltyqty zańsyz saqtaǵan, dep habarlaıdy QazAqparat tilshisi.
ShQO polıtsııa departamenti baspasóz qyzmetiniń málimetinshe, tártip saqshylary «Ýchaske» jedel aldyn alý sharasy barysynda zańsyz saqtalǵan qarýlardy tárkiledi.
«Polıtsııa qyzmetkerlerine Zaısan aýdanynyń 30 jastaǵy turǵynynda tirkelmegen qarý bar ekendigi jaıly aqparat túsken. Soǵan oraı birden tekserý júrgizildi. Nátıjesinde, er adamnyń garajynan 2 qarý tabyldy. Olar saraptamaǵa sáıkes «TOZ-8m» modeliniń 5,6 mm kalıbrli jáne «TOZ-63» modeliniń 16 kalıbrli tegis uńǵyly ańshylyq myltyqtary. Eki qarý da atýǵa jaramdy bolyp shyqty», - dedi oblystyq PD bastyǵy Saǵat Mádıev.
Atalǵan fakti boıynsha QR QK 287-baby 3-bóligine sáıkes sotqa deıingi tergeý amaldary bastaldy.
