ShQO turǵynynyń atynan 2,8 mln teńge nesıe alǵan áıel ustaldy

ÓSKEMEN. QazAqparat – Shyǵys Qazaqstan oblysy Shemonaıha aýdany turǵynynyń atynan 2,8 mln teńge nesıe alǵan áıel ustaldy, dep habarlaıdy QazAqparat tilshisi.

ShQO Polıtsııa departamenti baspasóz qyzmetiniń málimetine súıensek, Shemonaıha aýdandyq polıtsııa bólimine 43 jastaǵy azamat júgingen. Óz sózinde ol belgisiz bireýdiń atyna 2 800 000 teńgeden astam somaǵa nesıe rásimdegenin jetkizdi.

«Jedel-izdestirý sharalaryn júrgizgen tártip saqshylary kúdiktini ustady. Ol jábirlenýshimen birge turatyn áıel adam bolyp shyqty. Tergeý barysynda kúdikti óz kinásin moıyndady. Áıel er adamnyń telefonynan mobıldi banktik qosymsha arqyly nesıe rásimdegen», - delingen aqparatta.

Qazirgi ýaqytta atalǵan fakti boıynsha QR QK-niń 190-baby 2-bóligi boıynsha sotqa deıingi tergeý amaldary júrgizilýde.