ShQO turǵynynan zańsyz aýlanǵan 2 mln teńgeniń balyǵy tárkilendi
ÓSKEMEN. QazAqparat – Shyǵys Qazaqstan oblysynda polıtsııa qyzmetkerleri zańsyz aýlanǵan 2 mln teńgeniń balyǵyn tárkiledi, dep habarlaıdy QazAqparat tilshisi.
ShQO Polıtsııa departamenti baspasóz qyzmetiniń málimetine súıensek, naýryz aıynyń basynda patrýldik polıtsııa qyzmetkerleri Zaısan aýdanyndaǵy «Omby-Maıqapshaǵaı» tasjolynyń Sarterek aýylyna qaraı burylar tusynda «LADA» avtokóligin toqtatqan. Kólik tizgininde Óskemen qalasynyń 24 jastaǵy turǵyny boldy. Tekserý barysynda júrgizýshiniń tıisti qujattarsyz jalpy salmaǵy 350 kelige jýyq shortan balyǵyn tasymaldaǵany anyqtalǵan.
«Memleketke keltirilgen zalal mólsheri 1 900 000 teńgeden asady. Er adam balyqty Kúrshim aýdanynan Tarbaǵataı aýdanyna alyp bara jatqan», - dedi ShQO PD bastyǵy Saǵat Mádıev.
Qazirgi ýaqytta atalǵan fakti boıynsha QR QK-niń 335-baby 1-bóliginiń 1-tarmaǵyna (balyq resýrstaryn, basqa sý janýarlaryn nemese ósimdikterin zańsyz óndirý) sáıkes sotqa deıingi tergeý amaldary júrgizilýde.
