ShQO turǵynynan úsh keliden astam marıhýana tárkilendi
ÓSKEMEN. QazAqparat – Shyǵys Qazaqstan oblysy Altaı aýdanynyń turǵynynan úsh keliden astam marıhýana tárkilendi, dep habarlaıdy QazAqparat tilshisi.
ShQO polıtsııa departamenti baspasóz qyzmetiniń málimetine súıensek, esirtki qylmysyna qarsy is-qımyl basqarmasy Altaı aýdandyq polıtsııa bólimimen birlesip «Qarasora-2020» jedel aldyn alý sharasy barysynda 45 jastaǵy er adamdy ustaǵan.
«Kúdiktiniń úıin tintý kezinde 3 keliden astam marıhýana tárkilendi. Ol marıhýanany ózi paıdalaný maqsatynda saqtaǵan», - dedi ShQO PD bastyǵy Saǵat Mádıev.
Ustalǵan adam esirtkiniń mundaı mólsherin qalaı qoldanǵysy kelgenin túsindire almaǵan.
Qazirgi ýaqytta osy fakti boıynsha QR Qylmystyq kodeksiniń 296-baby 4-bóligi boıynsha sotqa deıingi tergeý amaldary bastaldy.
