ShQO turǵynynan qarý-jaraq arsenaly tárkilendi
ShQO polıtsııa departamenti baspasóz qyzmetiniń málimetine súıensek, tártip saqshylary Altaı aýdany Serebrıansk qalasynda jedel-izdestirý sharalaryn júrgizý barysynda tirkelmegen qarý-jaraq arsenalyn tapty.
«Qala turǵyny jeke turǵyn úı aýmaǵynda bes tegis uńǵyly myltyqty, usaq kalıbrli myltyqtyń uńǵysyn, úsh ańshylyq pyshaqty jáne 50-den astam oq-dárini zańsyz saqtaǵan. Qazirgi ýaqytta polıtseıler tirkelmegen qarýdyń qaıdan alynǵanyn anyqtap jatyr.
Ballıstıkalyq saraptama taǵaıyndaldy», - delingen aqparatta.
Vedomstvo dereginshe, búginde óńirde «Qarý tapsyr» aktsııasy ótip jatyr.
Sonyń aıasynda zańsyz saqtalǵan qarý-jaraqty óz erkimen tapsyrǵan azamattar qylmystyq jáne ákimshilik jaýapkershilikten bosatylady.
Sondaı-aq qarýdy tapsyrǵany úshin onyń tehnıkalyq kúıin eskere otyryp respýblıkalyq bıýdjetten 10-nan 100 AEK-ke deıingi mólsherde tólem beriledi.
