ShQO turǵynyna 2 mln teńgesin qaıtarmaı, Reseıde jasyrynǵan er adam tabyldy
ShQO Polıtsııa departamenti baspasóz qyzmetiniń málimetine súıensek, kóshi-qon qyzmetiniń negizgi baǵyttarynyń biri – atqarýshylyq is júrgizý boıynsha boryshkerlerdi izdestirý.
«Jyl basynan beri qyzmetkerler sot oryndaýshylarynan jasyrynyp, qaryzdaryn tólemegen 100-den astam azamatty anyqtady. Boryshkerler tólem jasamaý úshin tek Qazaqstanda ǵana emes, el aýmaǵynan tys jerlerde de jasyrynyp júrgen. Máselen, jýyqta Reseı Federatsııasyna qashyp ketken 45 jastaǵy er adamdy tapty. Ol óńir turǵynynan alǵan 2 mln teńgege jýyq qaryzyn qaıtarmaý úshin kórshi memlekettiń aýmaǵynda eki jyldan astam ýaqyt boıy jasyrynyp júrgen», - dedi ShQO PD kóshi-qon qyzmeti basqarmasynyń bastyǵy Erbol Bekpaev.
Sot oryndaýshysynan atqarýshylyq is kelip túskennen keıin kóshi-qon qyzmetiniń mamandary izdestirý sharalaryn júrgizip, boryshkerdi anyqtaǵan. Qaryzdy óndirip alý úshin sot oryndaýshysyna tıisti aqparat joldandy.