ShQO turǵynyn WhatsApp-ta balaǵattaǵan áıel qoǵamdyq jumysqa tartyldy
ÓSKEMEN. QazAqparat – Shyǵys Qazaqstan oblysynyń turǵynyn WhatsApp messendjerinde balaǵattaǵan áıel adam qoǵamdyq jumysqa tartyldy, dep habarlaıdy QazAqparat tilshisi.
ShQO boıynsha QAJD baspasóz qyzmetiniń málimetinshe, óńir turǵyny WhatsApp messendjerinde apaıyna balaǵat sózdermen aýdıo jibergen. Osylaısha, áıel adam men onyń kúıeýin qorlaǵany úshin ol 80 saǵattyq qoǵamdyq jumysqa tartyldy.
Jazbany saqtap alǵan jábirlenýshi sotqa júgindi. Belgili bolǵandaı, ekeýiniń arasynda anasynyń murasyna baılanysty janjal shyqqan. Sot áıeldi quqyq buzýshylyq jasaǵany úshin kináli dep taýyp, 80 saǵatqa qoǵamdyq jumysqa tartty.
«Sottalǵan probatsııa qyzmetinde esepke qoıylyp, qoǵamdyq jumystardy oryndaý úshin jergilikti organǵa jiberildi. Sondaı-aq probatsııa qyzmetiniń ınspektorlary áleýmettik-quqyqtyq kómek kórsetý jáne odan ári jumysqa ornalastyrý týraly máseleni qarastyrýda», - dedi probatsııa qyzmetiniń bastyǵy Almas Buıratov.
