ShQO turǵynyn WhatsApp messenjerinde balaǵattaǵan áıel jaýapqa tartyldy
ÓSKEMEN. QazAqparat – Shyǵys Qazaqstan oblysynyń turǵynyn WhatsApp messendjerinde balaǵattaǵan áıel adam jaýapqa tartyldy, dep habarlaıdy QazAqparat tilshisi.
ShQO boıynsha QAJ departamenti baspasóz qyzmetiniń málimetine súıensek, áıel adam otbasymen birge páter jaldap turǵan.
Alaıda qaryzy kóbeıip ketkendikten kóshýge májbúr boldy.
Turǵylyqty mekenjaıy bolmaǵandyqtan ol óziniń keıbir zattary men jeke qujattaryn sol úıde ýaqytsha qaldyrǵan.
Alaıda birneshe kúnnen keıin barlyq zattary joǵalyp ketti.
Osylaısha páter jaldaýshy men úı ıesi arasynda janjal shyqqan.
Sottalýshy WhatsApp arqyly beıádep sózder aıtylǵan aýdıohabarlama jiberdi.
Jábirlenýshi sol habarlamany saqtap, sotqa aryzdanǵan.
«Sot úkimimen kináli dep tanylǵan áıel adam 20 saǵattyq qoǵamdyq jumysqa tartyldy. Qazirgi ýaqytta ol probatsııa qyzmetinde tirkeýge alynyp, qoǵamdyq jumys isteý úshin ákimdikke jiberildi», - dedi probatsııa qyzmetiniń basshysy Maqsat Manarbekov.
