ShQO turǵynyn podezde pyshaqtap ketti
ÓSKEMEN. QazAqparat – Shyǵys Qazaqstan oblysy Rıdder qalasynyń turǵynyn podezde pyshaqtap ketken, dep habarlaıdy QazAqparat tilshisi.
ShQO Polıtsııa departamenti baspasóz qyzmetiniń málimetine súıensek, qańtar aıynyń sońynda polıtsııa qyzmetkerleri Gagarın dańǵylynda júrgen kıiminde qan izderi bar 22 jastaǵy jigitti ustady.
«Anyqtalǵandaı, er adam sol dańǵyldaǵy turǵyn úılerdiń birindegi podezde 33 jastaǵy azamatqa pyshaq suqqan. Jaralanǵan jábirlenýshi qalalyq aýrýhanaǵa jetkizilip, oǵan birden medıtsınalyq kómek kórsetildi, - dedi ShQO Polıtsııa departamentiniń bastyǵy Saǵat Madıev.
Atalǵan fakti boıynsha QR QK-niń 106-baby 1-bóligi (densaýlyqqa qasaqana aýyr zııan keltirý) boıynsha sotqa deıingi tergeý amaldary júrgizilýde. Oqıǵanyń mán-jaıy anyqtalyp jatyr.
