ShQO turǵyny jarty ǵasyrdan astam ýaqyt jeke kýáliksiz júrgen
ShQO Polıtsııa departamenti baspasóz qyzmetiniń málimetine súıensek, 52 jastaǵy er adam osy ýaqytqa deıin jeke basyn kýálandyratyn qujatsyz júrgen. Oǵan bul qujatty rásimdeýge Óskemen qalalyq polıtsııa basqarmasy kóshi-qon qyzmetiniń mamandary kómektesti.
«Shyǵysqazaqstandyq 1970 jyly Óskemen qalasynda týǵan. Onyń ata-anasy Qazaqstan Respýblıkasynyń azamattary bolǵan. Alaıda ómirlik qıyn jaǵdaılar oǵan eń mańyzdy qujatty alýǵa múmkindik bermegen. Kóshi-qon qyzmeti er adamnyń Qazaqstan azamattyǵyna jatatyndyǵyn rastaý úshin qajetti qujattardy jınaýǵa kómek kórsetti», - delingen aqparatta.
Endi oǵan mańyzdy qyzmetterdi, onyń ishinde áleýmettik jáne medıtsınalyq qyzmetterdi alý rásimderi jeńildeıdi.
Aıta keteıik, 2023 jyldyń basynan oblys boıynsha 30-dan astam adam óz mártebesin anyqtap, Qazaqstan Respýblıkasy azamatynyń jeke kýáligin alǵan.
