ShQO turǵyny jarnama arqyly ıkona satpaq bolǵan

ÓSKEMEN. QazAqparat - Jarnama saıtynda dinı buıym, ıkona satpaq bolǵan ShQO turǵynyna aıyppul salyndy, dep habarlaıdy QazAqparat kaz.altaynews.kz saıtyna silteme jasap.

«Glýbokoe aýdanynyń turǵyny belgili jarnamalyq saıt arqyly ıkona (hrıstıan dininde qudaıdy, áýlıelerdi beınelegen sýret - avt.) satpaq bolǵan. Er adamnyń aıtýynsha, dinı atrıbýtıkaǵa jatatyn zattardy arnaıy oryndarǵa ǵana satý jónindegi talaptan beıhabar bolǵan», delingen habarlamada.

Glýbokoe aýdandyq sotynyń sheshimi boıynsha K. esimdi azamat kináli dep tabylyp, ákimshilik jazaǵa tartyldy. Oǵan 120 myń teńge mólsherinde aıyppuldy tóleý mindetteldi.