ShQO turǵyny XIX ǵasyrdyń qarýyn zańsyz saqtap kelgen
ÓSKEMEN. QazAqparat - ShQO polıtseıleri zańsyz saqtalyp kelgen kóne qarýdy tárkiledi, dep habarlaıdy QazAqparat tilshisi.
Kóne qarý Besqaraǵaı aýdanynda 70 jastaǵy qarııanyń úıinen shyqqan. 1899 jyly jasalǵan myltyqtyń markasy - «Berdana». Iesiniń aıtýynsha, eski myltyq onyń qolyna 1986 jyly tıipti. 1922 jyly týǵan aǵasy berip ketse kerek.
«Quqyqtyq tártip» jedel-aldyn alý sharasy kezinde tárkilengen maıda uńǵyly qarý zaýyttan shyqqany anyqtaldy. Іshki ister bólimsheleriniń esebinde tirkelmegen. ıAǵnı eshqandaı qylmysqa qatysy joq. Degenmen, tárkilegen boıda Semeı qalasynyń polıtsııa basqarmasyna qarasty jedel krımınaldyq bólimine tekserýge jiberdik», - deıdi oblystyq polıtsııa departamentiniń baspasóz ókili Azamat Raısov.
Jyl basynan beri oblys turǵyndary óz erkimen qarý ótkizip, jalpy somasy 10 mln teńge ótem alǵan.
