ShQO turǵyny úıiniń jertólesinde marıhýana ósirgen
ShQO Polıtsııa departamenti baspasóz qyzmetiniń málimetine súıensek, tártip saqshylary «Qarasora» jedel aldyn alý sharasy barysynda Jarma aýdanynyń 34 jastaǵy turǵynynyń úıine sanktsııalanǵan tintý júrgizdi. Nátıjesinde úı jertólesinde esirtki plantatsııasy tabyldy.
«Úı ıesi marıhýanany qumyrada ósirip, muqııat kútim jasaǵan. Jalpy salmaǵy jarty keliden asatyn quramynda esirtki zaty bar ósimdikter tárkilenip, tıisti sot saraptamasy júrgizildi», - dedi oblystyq PD bastyǵynyń orynbasary Talǵat Shaıahmetov.
Qazirgi ýaqytta kúdiktige qatysty QR QK-niń 300-baby 1-bóligine sáıkes (quramynda esirtki zattary bar, ósirýge tyıym salynǵan ósimdikterdi zańsyz egip-ósirý) sotqa deıingi tergeý amaldary júrgizilýde. Er adam 2 jylǵa deıingi merzimge bas bostandyǵynan aıyrylýy múmkin.