ShQO turǵyny polıtsııaǵa 1889 jyly shyqqan qarýdy tapsyrdy
ShQO Polıtsııa departamenti baspasóz qyzmetiniń málimetine súıensek, sot-ballıstıkalyq saraptama nátıjeleri boıynsha atalǵan qarý Týla qarý-jaraq zaýytynda shyǵarylǵan. 1889 jyly jasalǵan ańshylyq myltyq qos uńǵyly, atýǵa jaramdy.
Ótkizgen er adamnyń aıtýynsha, ol sırek kezdesetin qarýdy marqum anasynyń qoımasynan eski zattardy rettep júrgen kezde taýyp alǵan. Krımınalıster birneshe ǵasyr ótkenine qaramastan, myltyqtyń dızaıni ózgerissiz qalǵanyn jetkizdi.
«Halyqtan zańsyz saqtalǵan atys qarýy men oq-dárilerdi satyp alý jónindegi komıssııa quramy qala turǵynyna qarý úshin 60 000 teńge tóleıdi. Aıta keteıik, tirkelmegen qarý jáne oq-dárilerdi erikti túrde tapsyrý aktsııasynyń eki kúninde oblys boıynsha halyqtan 5 mln teńgeden astam somaǵa 79 qarý qabyldandy», - dedi ShQO PD bastyǵy Saǵat Mádıev.
Koronavırýs ınfektsııasynyń taralýyna jol bermeý maqsatynda aktsııa sanıtarlyq-epıdemıologııalyq talaptarǵa sáıkes ótýde.
