ShQO turǵyny órtten balasyn qutqaryp, áıelin shyǵaryp úlgermedi

ÓSKEMEN. QazAqparat – Shyǵys Qazaqsta oblysynda jer úıde órt shyǵyp, 27 jastaǵy áıel kóz jumdy, kúıeýi aýyr jaǵdaıda aýrýhanaǵa tústi, dep habarlaıdy QazAqparat tilshisi.

ShQO Tótenshe jaǵdaılar departamenti baspasóz qyzmetiniń qyzmetiniń málimetine súıensek, oqıǵa búgin tańǵy ýaqytta Glýbokoe aýdanynda bolǵan.

Beloýsovka kentinde Sverdlov kóshesindegi jer úıde órt boldy. Sol jerge órt sóndirýshiler kelip jetkende úıdiń shatyry, tereze jáne esik bloktary, ishtegi turmystyq tehnıka men jeke zattar janyp jatqan. Úıden 27 jastaǵy áıeldiń denesi tabyldy.

Sondaı-aq órt saldarynan 30 jastaǵy úı ıesiniń denesin ortasha dárejedegi termııalyq kúıik shalǵan. Ony jedel járdem dárigerleri aýrýhanaǵa jansaqtaý bólimshesine jetkizdi.

«Belgili bolǵandaı, tańerteń erte oıanǵan er adam órtti kórip, balasyn janyp jatqan úıden shyǵaryp úlgerdi. Sodan soń qaıta oralyp, áıelin izdeý úshin ashyq jalynǵa oranǵan úıge kirdi. Alaıda tilsiz jaý bet qaratpaǵandyqtan denesin kúıik shalyp, syrtqa shyǵyp úlgerdi. Al jubaıy shyǵa almaı qalǵandyqtan mert boldy», - delingen aqparatta.

Órt sóndirýshiler jalpy aýdany 70 sharshy metrdi quraǵan otty tolyqtaı aýyzdyqtady. Jalyndy sóndirýge jeke quramnan 12 adam jáne 3 tehnıka jumyldyrylǵan. Aldyn ala derek boıynsha órttiń shyǵý sebebi – otty abaısyz qoldaný nemese elektr jabdyqtaryn ornatý jáne paıdalaný kezinde órt qaýipsizdigi talaptaryn saqtamaý.