ShQO turǵyny marqum atasynyń úsh qarýyn tapsyrdy
ÓSKEMEN. QazAqparat - Shyǵys Qazaqstan oblysynyń turǵyny aımaqtaǵy polıtsııa departamentine marqum atasynyń úsh qarýyn tapsyrdy, – dep habarlaıdy QazAqparat tilshisi.
«Abaı aýdandyq polıtsııa bólimine 27 jastaǵy Qaraýyl aýylynyń turǵyny aktsııa aıasynda óz erkimen tirkelmegen úsh qarý - 32 kalıbrli TOZ-32 markaly tegis uńǵyly myltyq, 12 kalıbrli IJ markaly tegis uńǵyly myltyq jáne 5,6 kalıbrli TOZ-8 markaly oıyq uńǵyly myltyqty tapsyrdy. Er azamat bulardyń barlyǵy óziniń marqum atasynan qalǵanyn aıtty. Barlyq qarý-jaraqtyń jaǵdaıy jaqsy jáne atýǵa jaramdy. Tólemderdiń aldyn ala somasy shamamen 280 myń teńgeni quraıdy», - dep jazdy vedomstvodan.
