ShQO turǵyny maral atqan
ZAISAN. QazAqparat – Shyǵys Qazaqstanda maraldy atqan er adamǵa qatysty qylmystyq is qozǵaldy, dep habarlaıdy QazAqparat tilshisi ShQO polıtsııa departamentiniń baspasóz qyzmetine silteme jasap.
Polıtsııa 27 maýsymda Zaısan aýdany Qaratal aýyldyq okrýginiń «Aqjal» ýchaskesinde jabaıy janýardy atqan er adamdy ustaǵanyn habarlady.
«Mashınasyn tintý kezinde «Nıva» kóliginiń salony men júk salǵyshynan jabaıy maraldyń eti, terisi, múıizi men basy tabyldy. Sondaı-aq, janýardy atqan «KO-44» markaly ıir oıyqty myltyq tárkilendi», - dep túsindirdi ShQO PD-dan.
Atalǵan faktige sáıkes QR QK 337-baby 1-bóligi «Zańsyz ań aýlaý» boıynsha sotqa deıingi tergeý jumystary bastaldy. Qajetti tergeý sharalary júrip jatyr.
Avtory: Oral Erlanuly
