ShQO turǵyny Qyzyl kitapqa engen balyqty aýlaǵany úshin 3 mln teńge aıyppul tóleıdi
Ekologııa jáne tabıǵı resýrstar mınıstrligi Balyq sharýashylyǵy komıtetiniń málimetine súıensek, Zaısan-Ertis oblysaralyq basseındik ınspektsııasynyń qyzmetkerleri men polıtseıler birlesip reıd júrgizgen. Sonyń barysynda Qyzyl kitapqa engen balyqty aýlaǵan adam anyqtaldy.
Tekserý barysynda quqyq buzýshydan salmaǵy 4,2 keli bolatyn bir Taımen balyǵy tárkilendi. Aıtýynsha, bul balyq Buqtyrma ózeninen aýlanǵan.
«Osynyń saldarynan memleketke keltirilgen shyǵyn mólsheri – 3 105 000 teńgeni quraıdy. Atalǵan fakti boıynsha QR Qylmystyq Kodeksiniń 339-babyna (Ósimdikterdiń nemese janýarlardyń sırek kezdesetin jáne quryp ketý qaýpi tóngen túrlerin, olardyń bólikterin nemese derıvattaryn zańsyz ıemdený, saqtaý, ótkizý, tasymaldaý nemese joıý) sáıkes is qozǵaldy», - delingen aqparatta.
