ShQO turǵyny baqshasynda qarasora ósirgen

ÓSKEMEN. QazAqparat – Shyǵys Qazaqstan oblysy Glýbokoe aýdanynyń turǵyny baqshasynda qarasora ósirgen, dep habarlaıdy QazAqparat tilshisi.

ShQO Polıtsııa departamenti baspasóz qyzmetiniń málimetine súıensek, tártip saqshylary esirtki aınalymyn anyqtaýǵa jáne jolyn kesý maqsatynda «Dármek» jedel aldyn alý sharasyn qolǵa alǵan. Sonyń nátıjesinde, polıtseıler Kojohovo aýylynyń 33 jastaǵy turǵynyn ustady.

«Tintý barysynda er adamnyń baqshasynan jalpy salmaǵy 500 gramnan asatyn qarasora ósimdiginiń jeti butaǵy tárkilendi. Onyń esirtkini jeke paıdalaný maqsatynda zańsyz ósirgeni anyqtaldy», - dep habarlady vedomstvo ókilderi.

Qazirgi ýaqytta atalǵan fakti boıynsha QR Qylmystyq Kodeksiniń 300-baby 1-bóligine (Quramynda esirtki zattary bar, ósirýge tyıym salynǵan ósimdikterdi zańsyz egip-ósirý) sáıkes sotqa deıingi tergeý amaldary bastaldy.