ShQO turǵyny Atyraýda esirtki jasyrýmen aınalysqan

ASTANA. QazAqparat – Atyraýda esirtkini jasyryp ketýmen aınalysqan Shyǵys Qazaqstan oblysynyń turǵyny ustaldy. Odan 290 gramm «mefedron» men «alfa PVP» tárkilendi, dep habarlaıdy QazAqparat tilshisi.

«Atyraýda esirtkini jasyryp ketýmen aınalysqan kúdikti ustaldy. Shyǵys Qazaqstan turǵyny Atyraýǵa bes jyldan beri kelip júrgen. Bastapqyda ol súńgýir bolyp jumys istegen, al osy jyldyń naýryz aıynan sıntetıkalyq esirtkini satýmen aınalysýdy sheshken.

Ol qolǵa túserden eki kún buryn «kýratordan» esirtkiniń ornalasqan jerin ózgertý jóninde tapsyrma alǵan. Alaıda, ony polıtseıler esirtkini jasyrýǵa múmkindik bermeı ustady.

Saraptama qorytyndysyna sáıkes, odan 290 gramm «mefedron» jáne «alfa PVP» tárkilendi», - dedi Іshki ister mınıstrliginiń aptalyq brıfıngisinde vedomstvo ókili Shuǵyla Turlybek.

Belgili bolǵandaı, qazir atalǵan fakti boıynsha qylmystyq is qozǵalǵan.