ShQO turǵyny asa sırek kezdesetin qusty sýretke túsirip aldy
SEMEI. QazAqparat – Semeı qalasynyń turǵyny tabıǵatta asa sırek kezdesetin qusty sýretke túsirip úlgergen, dep habarlaıdy QazAqparat tilshisi.
Jergilikti fotograf Andreı Kýrıashkınniń qustar álemin zerttep, qanattylardy sýretke túsirip júrgenine talaı jyl boldy. Taıaýda ol Beıbitshilik aralyndaǵy Ertis ózeniniń alqabynda qorektenip otyrǵan tańshymshyqty baıqap qalǵan.
«Bul qus negizinen bizdiń óńirdi meken etpeıdi. Tańshymshyq bul aımaqqa uıa salmaıdy, tipti jaz kezinde de kelmeıdi. Ony osy qala aýmaǵynan kórý - múlde tosyn jaǵdaı», - dedi A.Kýrıashkın.
Alǵash ret bul qus Semeıde 1924 jyldyń jeltoqsanynda kózge túsken. Ekinshi ret obektıvke 1950 jyly ilikken. Odan keıin 70 jyl boıy kórinbegen.
