ShQO turǵyny arqardan tól alam dep isti boldy
ÓSKEMEN. QazAqparat - Zaısan aýdanynda arqardy qolǵa úıretpek bolǵan aýyl turǵyny ustaldy, dep habarlaıdy QazAqparat tilshisi.
26 qyrkúıek kúni polıtsııa kapıtany Dáýren Máýkenov ózine tıesili aýmaqty aralap júrip, 55 jastaǵy turǵynnyń qorasynan arqar kóredi. «Turǵyn arqardy osydan bir aı buryn ákelgenin, qoradaǵy qoıynyń násilin sapaly etý úshin arqarmen shaǵystyrmaq bolǵanyn moıyndaǵan. Qyzyl kitapqa engen janýardy zańsyz ustaǵany úshin aýyl turǵynyna qarsy sot aldy tergeý jumystary júrip jatyr», - delingen oblystyq ishki ister departamentiniń aqparatynda.
Zańsyzdyqqa jol bergen turǵynmen qatar arqardyń da taǵdyryn sot sheshpek.
