ShQO turǵyny 1900 jyly jasalǵan qarýdy polıtsııaǵa ótkizdi
23 sáýirde Altaı aýdanynyń polıtsııa bólimine 63 jastaǵy zeınetker kelgen. Ol magazıninde úsh oǵy bar, oıyq qysqa uńǵyly tapanshany tapsyrdy. Sot-ballıstıkalyq saraptama nátıjesi boıynsha bul qarý 1900 jyly daıyndalǵany anyqtalǵan. 7,65 mm kalıbrli, zaýyttyq nómiri «166710», ıaǵnı «Braýnıng» júıesine jatatyn qarý atýǵa jaramdy.
Bul qarý Uly Otan soǵysy kezinde AQSh pen Belgııa armııasy jaýyngerleriniń qolynda bolǵan. Aýdan turǵyny qarý-jaraqty soǵysqa qatysqan atasynyń jertólesinen tapqanyn túsindirdi. Endi bul atys qarýy ShQO Polıtsııa departamentiniń murajaıyna tarıhı jádiger retinde beriledi.
«Halyqtan zańsyz saqtalǵan atys qarýy men oq-dárilerdi satyp alý jónindegi komıssııa quramy er adamǵa qarý úshin 120 000 teńge qarajat tóleıdi. Osylaısha, úsh kún ishinde tirkelmegen qarý men oq-dárilerdi erikti túrde tapsyrý aktsııasyn ótkizý barysynda óńir boıynsha halyqtan 7 mln teńgege 110 qarý qabyldanǵan», - dedi oblystyq PD bastyǵy Saǵat Mádıev.
Esterińizge sala ketsek, osy jyldyń 20 sáýirinen bastap ShQO aýmaǵynda halyqtan atys qarýyn, oq-dárilerdi jáne jarylǵysh zattardy satyp alý boıynsha respýblıkalyq aktsııa ótýde.