ShQO turǵyndarynyń medıtsına salasyna qandaı shaǵymy bar
«Áleýmettik medıtsınalyq saqtandyrý qory» kommertsııalyq emes Aktsıonerlik qoǵamy ShQO boıynsha fılıalynyń baspasóz qyzmetiniń málimetine súıensek, osy jyldyń sáýir aıynan bastap qazirgi ýaqytqa deıin óńir jurtshylyǵy tarapynan 261 ótinish kelip tústi.
«Kóp jaǵdaıda halyq konsýltatsııalyq-dıagnostıkalyq qyzmetterdi uzaq kútetindikterin, alǵashqy medıtsınalyq kómek uıymdarynyń mamandandyrylǵan qyzmetterdi durys kórsetpeıtindikterin, dári-dármektermen jóndi qamtamasyz etilmeıtindikterin aıtyp shaǵymdanǵan. Sondaı-aq medıtsına qyzmetkerleriniń dórekilik tanytqanyna narazylyǵyn bildirgender boldy. Ár jaǵdaı boıynsha Qor fılıalynyń mamandary tekserý jumystaryn júrgizip, tıisti sharalardy qabyldady», - delingen habarlamada.
Aıta ketý kerek, jurtshylyq ótinishterin ártúrli tásilmen jetkizgen. Onyń ishinde 1406 call-ortalyǵyna 163 adam habarlassa, Qoldau 24/7 qosymshasy arqyly 75 shaǵym túsken.