ShQO turǵyndarynyń 95% 2025 jylǵa deıin taza aýyz sýmen qamtylady
«Myqty óńirlerdiń perspektıvaly baǵyttarynyń biri – ınfraqurylymdy damytý», - dep atap ótti oblys ákimi Danıal Ahmetov QR Prezıdenti Qasym-Jomart Toqaevtyń Qazaqstan halqyna Joldaýyn talqylaý boıynsha ShQO aktıviniń otyrysynda.
Prezıdent tapsyrmasyna sáıkes, turǵyndardyń taza aýyz sýyna qoljetimdiligin arttyrý josparyn júzege asyrý jalǵasyp jatyr.
Qazirgi ýaqytta 65 joba júzege asyrylýda, sonyń ishinde 23-i jyl sońyna deıin aıaqtalady. Osylaısha, óńirdegi 6 aýylda jańa sý qubyrlary salynady. Budan bólek, óńirdiń jol ınfraqurylymyn damytý aıasynda jaqsy jáne qanaǵattandyrarlyq sapadaǵy avtomobıl joldarynyń úlesin 2025 jylǵa deıin 95%-ǵa jetkizý josparlanyp otyr. 2,6 myń shaqyrym joldy jóndeýge 66 mlrd teńge ınvestıtsııalanady, sonyń ishinde týrızm nysandary joldaryna – 26 mlrd teńge bólinbek.
Sondaı-aq, bıyldan bastap Óskemen qalasy men Úrjar aýylyndaǵy áýejaıdardy qaıta qurylymdaý bastalady.
