ShQO turǵyndarynyń 60 paıyzdan astamy vaktsınanyń birinshi komponentin aldy
ShQO Densaýlyq saqtaý basqarmasynyń málimetine súıensek, elimizde COVID-19 ınfektsııasyna qarsy vaktsına salyna bastalǵaly beri óńirge 964 620 doza jetkizilgen. Onyń ishinde birinshi komponent – 551 720, ekinshi komponent – 412 900.
«Oblysta osy ýaqytqa deıin vaktsınanyń tórt túri, atap aıtqanda «Spýtnık V», QazVac, Hayat-Vax, CoronaVac bolǵan. Biraq búgingi tańda azamattarǵa tek ekeýi, ıaǵnı «Spýtnık V» men otandyq QazVac ekpeleri ǵana qoljetimdi. Barlyǵy birinshi komponenttiń 68 myń, al ekinshisiniń 29 myń dozasy qaldy. Qytaıdyń Sinopharm vaktsınasy osy aıda jetkiziledi dep kútilýde», - delingen aqparatta.
Qazan aıyna deıin aımaq boıynsha 747 myń adam ekpe alady dep josparlanǵan. Qazirgi ýaqytta 483 myńnan astam turǵynǵa vaktsınanyń birinshi komponenti salyndy. Bul oblys halqynyń 65 paıyzy. Al ekinshi komponentti 383 myń azamat alǵan.
