ShQO turǵyndarynyń 20 paıyzyna koronavırýs vaktsınasy salynady
Qazaqstanda COVID-19-ǵa qarsy vaktsınatsııa aqpan aıynda bastalmaq. Eń aldymen vaktsına medıtsına qyzmetkerleri men muǵalimderge salynady.
«18 jastan asqan barlyq adamdar koronavırýs ınfektsııasyna qarsy vaktsınatsııalaýǵa jatady. Ekpe vaktsınanyń túsýin eskere otyryp, kezeń-kezeńimen júrgiziledi. Eń aldymen, ınfektsııanyń taralý qaýpi joǵary halyqtyń eń osal toby – jedel járdem, reanımatsııa bólimsheleri men aýrýhanalardyń qabyldaý bólmelerindegi medıtsına qyzmetkerlerine vaktsına egile bastaıdy. Ekinshi kezeńde jalpy bilim beretin mektepterdiń, arnaıy-orta oqý oryndarynyń, ýnıversıtetterdiń pedagogtary, al úshinshi kezeńde mektep-ınternattardyń, mektepke deıingi balalar mekemeleriniń pedagogtary, stýdentter, sozylmaly aýrýlary bar adamdar ótedi», - dep habarlady ShQO densaýlyq saqtaý basqarmasy.
COVID-19-ǵa qarsy vaktsınatsııa erikti negizde ǵana júrgiziledi. Qazaqstan Respýblıkasynyń «Halyq densaýlyǵy jáne densaýlyq saqtaý júıesi týraly» Kodeksiniń 77-babyna sáıkes azamattar profılaktıkalyq vaktsınatsııadan bas tartýǵa quqyly.
Aıta keteıik, Qazaqstanda tirkelgen barlyq vaktsınalar medıtsınalyq uıymdarǵa túspeı turyp, olardyń qaýipsizdigi men sapasyna tekserý júrgiziledi. Bul naryqqa tek tıimdi jáne qaýipsiz vaktsınalardyń jiberilýin qamtamasyz etýge múmkindik beredi.
Basqarma málimetine súıensek, bıyl Shyǵys Qazaqstan turǵyndarynyń 20%-yna COVID-19-ǵa qarsy vaktsına egý josparlanyp otyr.
