ShQO turǵyndarynan zańsyz saqtalǵan 30-dan astam atys qarýy tárkilendi
ÓSKEMEN. QazAqparat – Shyǵys Qazaqstan oblysynyń polıtseıleri zańsyz saqtalǵan 30-dan astam atys qarýyn tárkiledi, dep habarlaıdy QazAqparat tilshisi.
ShQO polıtsııa departamenti baspasóz qyzmetiniń málimetine súıensek, óńir boıynsha 17 mamyrdan bastap «Qarý» jedel-aldyn alý sharasy júrgizilýde.
Ondaǵy maqsat – zańsyz aınalymnan atys qarýy men oq-dárilerdi tárkileý.
Eki apta ishinde polıtsııa qyzmetkerleri 3 tapansha, 4 sholaq jáne 25 tegis uńǵyly myltyqty, 150-den astam oqty tárkiledi.
Tekserýler tek qalalarda ǵana emes, sharýa qojalyqtary men jaıylym ýchaskelerinde de júrgizilgen.
«Máselen, Katonqaraǵaı aýdanyndaǵy sharýa qojalyqtarynyń birinen tirkelmegen «TOZ» markaly myltyq tabyldy. Sonymen qatar jedel ýákilder Kókpekti aýdanyndaǵy 36 jastaǵy omartashydan uıanyń astyna tyǵylǵan myltyq pen oq-dárilerdi anyqtady. Qazir tárkilengen barlyq qarý-jaraq krımınalıstıkalyq esep boıynsha tekserilip, sotqa deıingi tergeý bastaldy», - delingen habarlamada.
