ShQO turǵyndarynan zańsyz saqtalǵan 16 qarý tárkilendi

ÓSKEMEN. QazAqparat – Shyǵys Qazaqstan oblysynda polıtsııa qyzmetkerleri «Qarý» jedel aldyn alý sharasyn júrgizýde, dep habarlaıdy QazAqparat tilshisi.

ShQO Polıtsııa departamenti baspasóz qyzmetiniń málimetine súıensek, shara barysynda tártip saqshylary 2197 azamattyq qarý ıesine tekserý júrgizdi. Sondaı-aq 9240 sharýa qojalyǵy men 179 jaıylym ýchaskesi tekserýden ótken. Sonyń nátıjesinde, zańsyz saqtalǵan 16 qarý tárkilendi.

«Polıtsııa qyzmetkerleri 55 ákimshilik hattama toltyrdy. Onyń ishinde QR ÁQBtK-niń 482-babyna sáıkes (jeke jáne zańdy tulǵalardyń qarýdy zańsyz ıemdengeni, bergeni, ótkizgeni, saqtaǵany, alyp júrgeni, tasymaldaǵany úshin) – 14, 484-baby (saqtaý qaǵıdalaryn buzǵany) úshin – 45, 486-bap (qaıta tirkeý qaǵıdalaryn buzý) boıynsha – 10. Barlyq hattamalardy aýmaqtyq bólimshelerdiń ýchaskelik ınspektorlary toltyrdy. Osy baǵyttaǵy jumystar aldaǵy ýaqytta da jalǵasyn tappaq», - dedi ShQO PD Jergilikti polıtsııa qyzmeti basqarmasynyń bastyǵy Talǵat Nurıev.

Esterińizge sala ketsek, osyǵan deıin Shyǵys Qazaqstanda uıymdasqan qylmystyq toptan 380 keliden astam esirtki tárkilengenin habarlaǵan bolatynbyz.