ShQO turǵyndarynan dárigerlerge qatysty 1 myńnan astam shaǵym tústi
Bul jaıly oblystyq aqparat ortalyǵynda ótken baspasóz máslıhaty barysynda «Áleýmettik medıtsınalyq saqtandyrý qory» ShQO fılıalynyń basshysy Ǵalymjan Ábilov málimdedi.
«Fılıal mamandary medıtsınalyq qyzmetterdi tutynýshylardyń quqyqtaryn qorǵaý baǵytynda turaqty jumys júrgizip, turǵyndarǵa túrli máseleler boıynsha keńester berýde. Bir jyl ishinde qoǵamdyq aqparat bólimi 37 000-nan astam ótinishti qarady. Olardyń kópshiligi qandaı da bir qyzmetterge qatysty keńes suraǵan. Al 1213 adam medıtsınalyq mekeme dárigerlerine qatysty aryz-shaǵym aıtty», - dedi ol.
Soǵan oraı 25 jospardan tys monıtorıng júrgizildi.
Nátıjesinde, 7 mıllıon teńgeden astam somaǵa 1187 buzýshylyq anyqtaldy. Kináliler tıisti jazaǵa tartylǵan.
Aıta keteıik, azamattar óz aryzdaryn qorǵa fms.kz resmı saıty, 1406 baılanys ortalyǵy jáne Qoldau 24/7 mobıldi qosymshasy arqyly qaldyra alady.
