ShQO turǵyndaryna Jańa jyldy tek otbasymen qarsy alý usynyldy
ShQO Sanıtarlyq-epıdemıologııalyq baqylaý departamenti baspasóz qyzmetiniń málimetine súıensek, vaktsınatsııa, naýqastar men baılanysta bolǵan adamdardy oqshaýlaý jáne shekteý sharalaryn saqtaýdyń arqasynda óńir boıynsha COVІD-19 ınfektsııasyn juqtyrǵandar azaıyp keledi.
Osy jyldyń 8 qarashasynan bastap epıdemıologııalyq jaǵdaıdy baǵalaý matrıtsasyna sáıkes oblys turaqty túrde «jasyl aımaqta» tur.
«Dese de Ońtústik Afrıkada koronavırýstyń jańa shtammy – «omıkron» anyqtalǵany belgili. Ol kóptegen elderge taralyp ketti. DDU zertteýleri kórsetkendeı, jańa shtamm qaýipti jáne «delta» nusqasyna qaraǵanda tez juǵady. Álemdegi turaqsyz jaǵdaıǵa baılanysty jurtshylyqty Jańa jyldy otbasy ortasynda atap ótýge shaqyramyz. Úlken is-sharalardy ótkizýden bas tartyp, karantın talaptaryn qatań saqtaǵan jón», - delingen aqparatta.
